注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

飞佬正传-------万事得RX-8  

2012-01-08 15:51:08|  分类: 试车日记 |  标签: |举报 |字号 订阅

  下载LOFTER 我的照片书  |
飞佬正传-------万事得RX-8 - Ryan  - Ryans 粤语车评博客 
 
曾几何时,马自达呢个名仲系叫做“万事得”,唔明点解将个甘得广东人中意噶名改成“马自达”,马自达,系米即系只马自己识行?呢个我知吖,不过套用系汽车上面我就唔系几明,如果系因为将“MAZDA”呢个读音直译而成,甘我都系觉得“万事得”好听D。万事得出过一种独一无二既跑车,呢D跑车无吓鬼既大排气量,亦都无肥大既车身同大到有回音既内笼空间,距地拥有既,系一种以往比人形容成“玻璃引擎”既转子引擎,而且有好挑剔既弯路性能,同埋比界玻璃声仲要尖既引擎声,呢班哇鬼叫做RX-7,无论漂移比赛,场地赛都有出色表现,属于拥有全方位战斗力既跑车,可惜停产左。而今次为大家介绍既,系同样拥有尖叫引擎声不过价钱更加公道既RX-8。虽然已经唔再系十几年前既战斗格,但系就成为转子引擎既目前唯一血脉。
 
飞佬正传-------万事得RX-8 - Ryan  - Ryans 粤语车评博客
 
RX-8身形同一般中小型四门轿车差唔多,车身唔算矮但系胜在生得比较骨致,车头一个笑笑口既造型系后来新出万事得汽车既统一卖相,头灯好尖里面原厂已经有透镜设计,车身四只角都有突出既抛沙板,用来装落18寸胎铃,前面沙板有开窿设计,可以带走引擎舱热气,另外,车尾下面两支尾喉之间有个三角形反光设计,可以增加夜晚行车安全性,由可以作为三角形转子精神既传承。成部车最特别既地方,就系后窗部分多左一条隙,一般双门跑车就得一条门隙,事关距系有四只门,一阵会提到。
 
飞佬正传-------万事得RX-8 - Ryan  - Ryans 粤语车评博客
 
虽然都系用RX作为车名,不过同以前既暴力RX-7唔同,RX-8有一个独创既设计,就系跑车上面第一次用对开门设计,不过为左安全起见,要先打开前门,再开后门,同劳斯莱斯幻影既车门唔同,事关幻影系可以独立开门。内笼方面,头顶空间系跑车里面绝对数一数二,但系坐后排既乘客就无甘好待遇了,事关脚部空间唔多,两支窗仔一D都唔开扬,觉得黑吗吗系最直接既感觉,而且坐得耐一系头晕一系直接呕你自己拣,所以后排最好都系坐小朋友而且开车果个要慢慢开唔好左掟右掟。RX-8用左真皮座椅,跑车味浓,同豪华一D关系都无。部车有四只车门,但系就得四个位,中控台一直伸到后排中间,后排可以当距储物格放私人物件,而其实距系一个特别加强车身既骨架。特别讲下呢个骨架,特别加入左类似脊骨嘅设计,配合另外八支横梁,开车感觉够晒硬,甚至比同期嘅日产350Z更加硬。手刹就用左好似刀柄既设计,好盏鬼。就甘望落去RX-8无传统既B柱,但其实系收埋系只后门里面,后门关左之后,里面有支钢管,一个唔好彩侧面撞击,冲击力就会通过呢条钢管分散去车顶同底盘,最后仲有套安全气帘同胸部保护气囊,加埋前气囊,安全方面就系得甘多,听起身好似好高科技,但系安唔安全都系在于你手车,开车要小心,开RX-8就更加要小心。
 
飞佬正传-------万事得RX-8 - Ryan  - Ryans 粤语车评博客
 
除左有好好既质感,RX-8噶驾驶坐姿都系好标准,太盘位置,波棍位置都系好就手,而且黑色地毯有红色包边,跑车感觉一下就出左黎。中控台造型有D似日本武士头盔面罩,上面好鬼多制,开紧车要稳都几烦,除左睇路之外,你专注既地方最好系果个6前速手波波箱既波棍,手感一流,上面仲有三角形转子造型,你可以唔记得屋企行边条路翻,但系就唔会唔记得距系一部转子引擎跑车。另外要特别提一提,无论系RX-7抑或系RX-8,你都会明显feel到中控台会渗D热气出黎,尤其系开恒冷气,你都会觉得扶手位同凳位有好大温差。
 
飞佬正传-------万事得RX-8 - Ryan  - Ryans 粤语车评博客
 
呢部8仔系美版,美版既车有个好大既特点,就方向盘后面特别多拨杆,拨杆上面特别多制,尤其系鬼佬最中意既定速巡航,实有既。本身方向盘已经好多制,加埋方向盘后面同中控台,对于一部标榜驾驶乐趣既车,会唔会多左D呢?开呢部车定速巡航?唔系挂?你睇下仪表板中间个转速表,9000转先断油啊,用距黎低转速巡航简直系sai左副引擎同一副细心调教出离既底盘,呢D车应该出现系环山公路或者赛车场,而唔系一望无际既高速公路。
 
飞佬正传-------万事得RX-8 - Ryan  - Ryans 粤语车评博客
 
系讲8仔既心脏之前,用小小时间简单温习下转子引擎。转子引擎最初由德国佬发明,一开始D人觉得转子引擎轻巧,又比较静,可能会代替传统活塞引擎,但系转子引擎属于新技术,食油又犀利,最重要系无乜人识得整。不过一向中意玩新技术既万事得公司就唔系甘啉,距买晒成个技术,自己研究,就算70年代石油危机爆发,万事得都坚持研究点样将呢件怪胎量产。由于开发成本大,万事得濑晒野,D钱开始周转唔黎,但系到最后距地都客服左重重困难,推出左搭载转子引擎既RX-7系列,成功打入美国市场。不过虽然系甘,转子引擎唔襟用,油耗高而且维修难,“玻璃引擎”系车迷圈子出晒名,以至于RX-7呢D车变成“公子车”,即系话无翻甘上下身家都养距唔掂。到左宜家为止,转子引擎就得万事得一间车厂而且系RX-8一个车型有,转子引擎里面既转子每转一圈就做功一次,所以排量细都可以有大马力,另外,距唔使好精密既曲轴平衡可以有好高既转速。成个引擎就得两个旋转部件,所以重量轻、而且重心好低,用系追求操控性能既跑车上面就最岩喇。甘当然啦,有优点都会有缺点,比如转子引擎转速高,密封性差,径向密封片磨损快,一段时间之后容易因为油封材料磨损而造成漏气,油耗就系呢个时候大大增加,同时都比较难整。另外,虽然转子引擎排量细,高转速大马力,但系由于设计唔同一般引擎,所以世界各地出有关引擎排量税费政策既时候,转子引擎满足既条件就要用本身既排量乘以二,即系1.3既转子引擎,系当距2.6黎计算。
 
飞佬正传-------万事得RX-8 - Ryan  - Ryans 粤语车评博客
 
RX-8用一副叫做RENESIS既新款转子引擎,同样系1.3排量,用两个转子自然吸气设计,最大马力230匹,最大扭力211牛米。着车既时候,呢副引擎真系好静,得小小低频声,而且空档既时候,引擎转速快上快落好似无阻力甘,因为转子引擎内部嘅摩擦力比较细,连引擎刹车特性都无一般往复式引擎咁明显,而且从低转速到高转速,D声一下比一下有力,如果环境允许,呢副引擎真系要踩过左6000转先可以话系醒。到左9000转噶时候,我头先讲到既“界玻璃引擎声”就出离喇,高频,而且好密。 起步既时候,如果一般低转速起步,距既低扭唔算差,但系绝对唔算好,但系如果你定住四千几起步,部车就响住胎甘去,6速波箱齿比太密喇,开呢部车,手脚都好忙,睇黎都系唔系几适合系街度慢慢游,不过距都有自动波版本可以买,但系我都系劝你唔好买距。8仔车架刚性几好,扭太入弯或者高速突然扭太,部车都仲好听话,唔系几觉得车架扭曲,整体感好强。呢部车用左前双摇臂后多连杆设计,上摇臂系冲压件,金属密度高过一般铸造件,而下摇臂就系铝合金锻造件,硬度都唔使怀疑,咬地得,甩尾都得,而且50:50噶前后比重,部车就算甩尾都好易救,毕竟唔系三四百匹跑车,零到一百要6秒多D,但系就好顺,副引擎越转越有力,如果唔系岩落完雨个地下未干晒,我啉仲可以快D。
 
飞佬正传-------万事得RX-8 - Ryan  - Ryans 粤语车评博客
 
08年RX-8做左一次改款,一般日本车系呢个时候属于小改款,最多系头灯尾灯头泵把中网呢D换下搞搞新意思,但系8仔唔系,虽然系小改款,距居然连副引擎都搞埋。新款RX-8头灯改成向后拉伸既尖形设计,左中右三个入风口加大,再加埋一套小包围同尾翼,全新设计既胎铃,成部车感觉恶左好多。
 
飞佬正传-------万事得RX-8 - Ryan  - Ryans 粤语车评博客
 
今次转款,其实都话比车迷听RX-8就黎停产,所以万事得车厂再一次对呢副转子引擎做最后修改,改良左气缸里面既润滑油供应系统,将原先两支雾化喷嘴改成三支电子喷嘴,可以一定程度减低摩擦同无甘易烧机油。为左提升部车既操控表现同稳定性,今次将副引擎向后移,令到前后比重达到标准50:50。系小改款既车来讲,今次RX-8系好有诚意。
 
飞佬正传-------万事得RX-8 - Ryan  - Ryans 粤语车评博客
 
RX-8停产左之后,转子引擎系米就会跟住玩完呢?宜家个个讲环保,又话石油几时几时就会无,所以将宇宙里面最多既氢气变成动力就变成左科学家研究既目标。当年万事得坚持研究转子引擎,表面上距噶结构最适合烧氢气,而且最干净,因为氢燃烧完就排除水蒸汽,对环境没有任何污染。于是万事得将转子引擎改良令到距可以烧氢气,于是就有左图片呢部万事得 HR-X。车上面有个1立方米燃料箱,里面有相当于43立方米既压缩氢气,用时速60公里可以行230公里,比好多静幽幽既电池车都要实用。

飞佬正传-------万事得RX-8 - Ryan  - Ryans 粤语车评博客

作为一部标准既后驱跑车,系漂移比赛见到RX-8一D都唔期,而呢张相最特别既系,后面跟住一部经过日本Veilside包围厂改装过既RX-7!我知道好多车迷都话RX-8样样都唔够RX-7黎,我唔反对,不过啉翻起当年RX-7要过80万既售价同埋果副时时刻刻准备大修既13B-REW双涡轮转子引擎,我觉得今时今日RX-8算系甘。唔好因为RX呢个名比呢部车太大期望,距只系RX-7一个亲戚,而唔系距噶继任人。今次车评我提左好多次万事得,可能你地唔惯,希望见谅!因为我觉得“万事得”真系比“马自达”好听!

 
 
 
  评论这张
 
阅读(631)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017