注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 
 
 

十大杰青--------宝马E46系列  

2011-10-19 02:11:45|  分类: 经典名车 |  标签: |举报 |字号 订阅

  下载LOFTER 我的照片书  |
十大杰青--------宝马E46系列 - Ryan  - Ryans 粤语车评博客
 
E46,好简单噶三个字,但系就包含住无限噶意思。E46系一个底盘代号,属于宝马噶第四代3系家庭房车,1998年就已经试验性推出,跟住就从1999年一直生产到2005年,系宝马阵营里面,最初最初定位系家庭车,因为同前几代3系吴同,今次主打科技同环保,所以无论款式设计定系行驶表现都更加大众化。虽然话就话系家庭车,但系由于天生跑格,呢部平时出入大大细细超市、学校同写字楼噶宝马仔,慢慢就比D车队发掘用离比赛,无论甩尾比赛,耐力赛甚至DTM德国房车大师赛,E46都有好好噶发挥,3系始终都系摆脱吴到赛车场,无论外表扮到几斯文都好,快就系快。
 
十大杰青--------宝马E46系列 - Ryan  - Ryans 粤语车评博客
 
E46初初系1998年5月份开始卖,由于反应热烈,好快就大规模生产。一开始就卖断市,功劳应该属于前几代3系,再加上今次E46洗心革面既设计,想吴红都几难。早期既E46有用四缸引擎既118匹318i,150匹320i,又有用直列六缸既170匹323i,192匹328i,仲有用柴油引擎既320d,极速大概系240公里/小时。引擎方面开始用双VANOS系统,而底盘就用左好多铝合金零件,ASC、DSC之类噶电子装备都好先进。E46车身比前一代大小小,车头重新设计,比较接近同时期既5系。尤其系前灯设计,比较古惑。前护杠就比较简单,无乜特别照顾撞风冷却效果,整体感觉相当低调。内饰方面E46有好大突破,注重易用同易打理,所以今时今日系二手车市场见到E46 3系,都觉得内笼几干净企理,完全吴似上左年纪既车。
 
十大杰青--------宝马E46系列 - Ryan  - Ryans 粤语车评博客
 
我地呢边吴兴柴油家庭轿车,但系欧洲就好多人买呢D车。比如呢部320d,直列四缸柴油引擎当时已经有直喷技术,最大马力有136匹,油耗更加系接近1.5升日本车仔,加上柴油引擎扭力犀利,用距攻弯有更加好噶在加速能力,缺点就高转速差D,不过低转速扭力随传随到,开住距,可以系D多弯噶路段放甩吴少汽油车。环保都系柴油引擎噶一大特色,欧洲人整柴油偈已经好成熟,又好力又悭油,所以话吴一定下下都用细排量引擎配个细TURBO先得既。
 
十大杰青--------宝马E46系列 - Ryan  - Ryans 粤语车评博客
 
一年之后,E46再多两个少爷兵。3系推出左coupe双门硬顶同开篷版,硬顶版再次演绎完美噶车身线条,E46本身后排已经吴算大,宜家再缩短D之后就只能够坐细路。但系买得呢D车,基本上系D公子哥儿或者千金小姐,后面基本上一系载宠物,一系就系开住距去商场购物,极少坐人。3系噶双门版吴算太罕有,有时系论坛见到有人有,问距距都会肯卖,但系个价钱就偏贵,无办法,E46本来就偏贵,无论系四门房车定系双门跑车都系甘。
 
十大杰青--------宝马E46系列 - Ryan  - Ryans 粤语车评博客
 
3系开篷车一直以来都有一大批粉丝,距采用一个玩几年就漏水既软篷,同埋有住一副想哭甘噶面容,简直可以话系楚楚可怜。开篷车依然系四座位设计,后面两个头枕位有翻侧保护设计,反车噶时候先可以体验到。头先讲到噶3系柴油车都系呢个时候更新,多左一款330d。
 
十大杰青--------宝马E46系列 - Ryan  - Ryans 粤语车评博客
 
1999年10月份,3系噶旅行车版本上市。旅行车版本有318i、320i、328i同320d都有。呢度又讲一讲欧洲人噶旅行车情结,好多当地人都会买旅行车,一来可以去玩装多D行李,二来如果旅馆无房,都可以系车度安安静静过一晚,第三就系旅行车车尾比较重,对于3系呢类型噶后驱车,车尾重D可以抑制小小甩尾,但系如果甩起身,旅行版噶车尾因为惯性会更加大,技术好噶人会觉得过瘾,技术差D噶人就会觉得无瘾。
 
十大杰青--------宝马E46系列 - Ryan  - Ryans 粤语车评博客
 
面对北欧地区噶冰天雪地,果度D土著都好想试下宝马到底有几好玩,但系如果系滑到扑街噶雪地开一部后驱车,甘即系表示距好想自杀。所以宝马为左呢班欣赏自己噶土著推出左四驱版既3系。而且有330xi、323xi同330xd三个型号,从名字可以睇出,X,系宝马里面就代表四驱。呢款车我系深圳开过,其实感觉都系接近后驱,只不过前辘有动力,部车入弯有D钝,但系去到弯中间你完全可以大脚油,系一部好稳定噶车。
 
十大杰青--------宝马E46系列 - Ryan  - Ryans 粤语车评博客
 
2001年,宝马推出一部3系既变种紧凑型车,叫做Compact。初期上市叫316ti,引擎第一次采用VALVETRONIC技术,呢部车噶车头简直可以用可爱黎形容,四眼头灯,双门设计,初初觉得距系两厢车,但系距又有一个短到无伦噶车尾,勉强算三厢设计。呢部车有一个全新设计既导航系统。而且机械方面用左当时7系既Val-vetronic电子气门技术。呢部车系国内极之少见,有都应该几残,事关呢一代噶机器吴系好得,漏油问题比较严重,不过只要勤保养,换油封应该可以解决,玩旧款噶3系,就系甘烦!
十大杰青--------宝马E46系列 - Ryan  - Ryans 粤语车评博客
 
2001年之后,宝马将323i,328i噶排气量加大。323i变成325i,而328i就变成330i,新款330i引擎231匹,极速250公里/小时。呢个时候E46宝马转款,车头灯重新设计,显得部车好乖,前护杠设计更加简单,一切都从简单出发,而呢一期既3系开始系华晨宝马国产,上市噶时候一样系贵到颠!
 
十大杰青--------宝马E46系列 - Ryan  - Ryans 粤语车评博客
 
既然四门房车转款,开篷版本都要跟住,车头灯用左一件过透明灯壳,前护杠有惊喜,比较有跑车味,再吴系以前果个想哭想哭噶傻样,E46可以行可爱路线,但系又可以行运动路线,如果吴系,点会甘多人中意。
 
十大杰青--------宝马E46系列 - Ryan  - Ryans 粤语车评博客
 
E46时期仲有一部辣野,就系大名鼎鼎既M3,呢部公路战车将E46噶车架发挥到极限,而且更加作为赛车开发噶蓝本,呢部车虽然系街车,但系本身用左好多赛车技术,比如高转速引擎,赛车设定噶避震系统,灵活既底盘设定,再加上SMG半自动波箱,好多人觉得,百几万买部3系,好似吴系好化算,但系换个角度啉,你用百几万买左人地用过百亿参加赛车运动经验研究噶成果,甘啉会吴会心理平衡D呢?
 
  评论这张
 
阅读(5971)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017