注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

极速传说---扫把佬90年代IMPREZA翼豹  

2011-09-17 14:09:21|  分类: 经典名车 |  标签: |举报 |字号 订阅

  下载LOFTER 我的照片书  |
极速传说---扫把佬90年代IMPREZA翼豹 - Ryan  - Ryans 粤语车评博客
 
       寻日翻煲郑伊健任达华主演噶《极速传说》,作为香港为数唔多噶飞车类电影,整体除左讲述一个败家仔点样经历生死之后成为公主道车神之外,EVO同STI噶经典对决场面更加系贯穿成出电影!90年代最有代表性噶两部轻量级涡轮四驱房跑车,唔好话飞车,就算停系度,都已经好有气势。扫把佬GC系列噶荣耀,除左WRC世界拉力锦标赛可以睇到,仲一直将果份爆住去噶精神延续到街上面。无窗框车门,水平对向引擎特有噶煲水排气声浪,加埋放气哇佬噶“蕉蕉”声,再配合四条胎V哇鬼叫,离远就已经可以确认系距噶表演。今次同大家介绍噶系90年代噶扫把佬,90年代噶Impreza,翼豹。
 
极速传说---扫把佬90年代IMPREZA翼豹 - Ryan  - Ryans 粤语车评博客
  
1992年之前扫把佬噶主力系legacy力狮,1992年之后力狮依然继续高性能中型房跑车路线,但系系力狮噶平台就诞生左细一个码噶IMPREZA翼豹。最早期噶翼豹无论引擎波箱底盘都好似缩水版噶力狮,有自然吸气引擎噶普通翼豹,又有稍高性能噶WRX,更加有最高性能噶STI。截至目前为止,无窗框噶翼豹一共只有两期,第一期GC/GF同埋2000年之后噶第二期GD/GG。GC同GD表示四门房车,而GF同GG就系五门揭背房车。最新一期翼豹已经系丰田入股扫把佬之后噶产物,所以要隔开。第一代STI最明显噶系有一个桃红色厂徽同大尾翼。无论系WRX定系STI,四门版代号都叫GC8,而五门版就叫GF8。GC8从出世开始就一直用一副代号EJ20既引擎,但系就分前后期版本,最初就系EJ20G/A引擎,最大马力240匹。无几耐系1993年扫把佬就推出自动波既WRX,引擎升级到EJ20G/B引擎,最大马力都系240匹,而系1994年,扫把佬噶STi部门推出WRX STi车型,引擎一样系EJ20G/B,但系内部经过强化,再加埋三菱噶TD05H涡轮,最大马力去到250匹,最大扭力31.5公斤米。第一代噶STI好罕有,因为系接到订单先会生产,而且当时扫把佬落力参加WRC赛事,所以当时绝大部分交收噶车都用左来比赛,极少数依家系收藏家手里面。

极速传说---扫把佬90年代IMPREZA翼豹 - Ryan  - Ryans 粤语车评博客

头先讲到翼豹STI都会有五门揭背版,就系呢部GF8。五门揭背版虽然产量唔高,但系一直去到2000年打后都有生产,只不过系代号有区别。从第一代开始一直跟住翼豹经历九次进化,系呢个级别噶行驶质感上面可以话系无对手。1994年10月,扫把佬继续推出了更高性能版本WRX Type-RA STi(R表示赛车化,A表示符合当时FIA噶A组赛例)。引擎系一副经过改良噶EJ20G/C引擎,最大马力275匹,最大扭力32.5公斤,系街上面难逢敌手,但系呢一款GC8 STi都系属于第一代,一样系接单先生产噶限量版。

极速传说---扫把佬90年代IMPREZA翼豹 - Ryan  - Ryans 粤语车评博客

1995年8月,Impreza WRX STI Version2出炉,顾名思义就系第二代。引擎用左前一代RA限量版上面果副EJ20G/C,动力输出一样,外形上多左一个雾灯罩,胎铃等其他细节都有区别,换左双出排气,刹车总泵都经过改良。第二版STI用左粉红色STI字体同金色合金铃,呢个传统一直延续到今日。

极速传说---扫把佬90年代IMPREZA翼豹 - Ryan  - Ryans 粤语车评博客

后来扫把佬继续推出基于第二代STI噶变种,比如呢部“555纪念版”,无几耐为左纪念车队总冠军,再推出“V-LIMITED”,限量一千部,无几耐,连EJ20G/C都停产埋,第二代就玩到呢度。

极速传说---扫把佬90年代IMPREZA翼豹 - Ryan  - Ryans 粤语车评博客

1996年9月,第三代横空出世,用左新款EJ20K/D引擎,车身更加轻,涡轮增压器用左IHI RHF5HB VF23E,增压值0.8 BAR,最大马力去到日本君子协定噶280匹,最大扭力35公斤米。呢一代刹车方面做左强化,前辘用左对向活塞卡钳配294mm大碟,车头设计都唔同左,另外系中冷器加入自动喷射系统。后来扫把佬又试推出V-LIMITED同更加轻量化噶TYPE-R版本。

极速传说---扫把佬90年代IMPREZA翼豹 - Ryan  - Ryans 粤语车评博客

呢部就系1997年基于第三代噶TYPE-R版本,双门设计已经够晒罕有,体重方面居然减轻到1200公斤都唔到!配合特有头唇侧裙,够晒杀气。当然啦,距都系限量版。

极速传说---扫把佬90年代IMPREZA翼豹 - Ryan  - Ryans 粤语车评博客

 1997年9月,第四代噶STI诞生,水平对向引擎唔襟用噶问题系呢一代开始缓解,引擎内部经过修改,新引擎叫EJ20K/E,TURBO换左IHI RHF5HB VF28E,最大马力依然系280匹,但系最大扭力就去到36公斤米。由于90年代WRC扫把佬真系有优势,继续推出庆祝冠军既V-LIMITED版,RA赛车版同TYPE-R 版,但系TYPE-R版系今代开始成为正式贩售版,唔使再落订单等到颈都长。所有特别版都加入DCCD同LSD,电子设备开始同对手EVO睇齐,电脑化四驱TURBO车就由果阵开始兴。

极速传说---扫把佬90年代IMPREZA翼豹 - Ryan  - Ryans 粤语车评博客

就算对第四代噶STI无乜印象,都应该会对呢部22B-STI有D印象,作为基于Type-R型号开发噶超高性能版本,同时都系以后S20乜乜系列限量版噶前辈,诞生噶原因就系庆祝STI对连续三次WRC冠军。呢部车当年要500万日元,除左当时既日产Skyline GT-R同本田NSX,距系第三贵。22B用左铝合金头冚,角度可调尾翼,抛沙板外形跟足当年参战WRC噶厂车,17寸金色BBS合金铃,车架号都改为GC8E,引擎有重大突破,STI通过EJ20扩缸变成EJ22引擎,最大马力280匹,最大扭力37公斤米。刹车方面,前四后二的对向制动卡钳,同时呢个都系扫把佬以后D高性能型号噶配置,特有蓝色桶型椅同门板都系从22B开始既。至于22B上面噶“B”,表示用左德国Bilstein避震。22B上市初初只有399部,其中几部留俾VIP,其他都系两日之内卖晒,后面再追加25部卖去英国。另外其实仲有四部,编号000有三部,用来测试,而最后一部编号400,就系Prodrive老板David Lapworth屋企。

极速传说---扫把佬90年代IMPREZA翼豹 - Ryan  - Ryans 粤语车评博客

1998年9月,扫把佬推出第五代噶STI,重新设计头尾泵把、侧裙尾翼,中冷加大,引擎用左最新EJ207/F,同之前噶引擎相比,距强化左冷却水道,可以承受更加大马力,底盘方面,创新用倒立式避震机,行驶反应同引擎响应都更上一层楼,尤其系引擎中低转表现更加以掌握。为左保证耐用性,马力扭力同第四代一样,V-LIMITED版,RA赛车版同TYPE-R 版就系1999年生产。

极速传说---扫把佬90年代IMPREZA翼豹 - Ryan  - Ryans 粤语车评博客

1999年推出噶第六代,主要修改引擎反应同高速稳定性,引擎代号改为EJ207/G。去到1999年尾,出埋三个限量版之后,GC/GF系列就俾新一代GD/GG翼豹接棒。

极速传说---扫把佬90年代IMPREZA翼豹 - Ryan  - Ryans 粤语车评博客

GC/GF系列结束噶标志,就在于呢部系2000年4月4日推出噶终极版S201,限量300部。S201外形相当夸张,系第二部由STI研发既特别限量版,虽然WRX STI系列已经有好多限量版,但系S201同后来既S202、S203、S204等等最大既特色,就系距地各自代表自己呢一代翼豹噶最高性能。S201既引擎是EJ207,搭配IHI VF28涡轮增压器,增压值打到1.2 Bar,最大马力305匹,最大扭力36公斤米,车重1270公斤,加埋全新设定既引擎管理程序,S201无论头段加速,定系尾段极速,都完放甩普通既六代。而且305匹呢个数字系日本量产车里面第一个挑战君子协定,意义非常之深远。

极速传说---扫把佬90年代IMPREZA翼豹 - Ryan  - Ryans 粤语车评博客

GC/GF时代噶翼豹都有距噶弱点,就系车架一般,感觉单薄而且安全性比较低,原因系距噶初衷系跑WRC,高规格比赛当然会有不计成本噶补强措施,甚至今时今日噶漂移界,都有车队或者个人用GC翼豹四驱改后驱参加比赛,一来水平对向引擎反应快扭力大系优点,二来车身灵活,可以挑战更加刁钻噶动作。2000年之后,代号GD/GG噶新一代翼豹诞生,虽然车架设计依然来自GC/GF,但系安全性有好大提升,车架大幅度强化,但系车身就重左好多,所以好多玩开GC噶人跳上去GD,第一反应就新款唔够旧款快。系全世界,GD/GG系列因为车龄比较新,有一大班拥趸,但系讲到忠诚度,依然系以往噶GC比较高,就算系最新款噶GR系列,都已经无左以前每出一款新GC果种激情,无办法,系汽车界,经典就系经典。

  评论这张
 
阅读(1630)| 评论(6)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017