注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

最后武士------本田NSX (NA1与NA2)  

2011-08-05 01:13:00|  分类: 经典名车 |  标签: |举报 |字号 订阅

  下载LOFTER 我的照片书  |
最后武士------本田NSX (NA1与NA2) - Ryan  - Ryans 粤语车评博客
 
如果你上紧位,你系米会继续做好多野表现自己?如果有人虾你,你系米第一时间想对啉距?如果你落后,系米会咬紧牙关赶上?系我地噶生活里面,成日都会出现呢样果样噶境况。系车噶世界里面都系一样,外形有无创意,马力之间噶比拼,内饰豪华噶争斗,圈速噶分秒必争,都决定一部车可吴可以成为经典。系90年代初期,有甘样噶一部车,自然吸气中置引擎,后驱,身材苗条,声线迷人,过弯好似跳舞甘,不过卖出噶数目就好少,但系,就比好多人奉为日本噶国宝级跑车之一,距就系大家熟悉到不得了噶本田NSX。
 
最后武士------本田NSX (NA1与NA2) - Ryan  - Ryans 粤语车评博客
  
 
大家跟住我一齐翻翻去80年代,无错,就系地80后出世噶年代,果阵网络无宜家甘发达,要出名吴系晒下肉照或者SHOW下有几钱就得,好多都靠真材实料。本田车厂80年代已经系F1比赛里面立足,吴单只成架F1赛车整出离,而且仲向其他车队提供V6 涡轮增压引擎,所以,以前噶F1相当有睇头。既然上紧位,本田就啉住造一部理想化噶跑车,用来挑战果阵时噶法拉利F328同保时捷911,林住系超跑界响朵,于是NSX项目即刻上马,仲稳离车神冼拿比意见,誓要用尽本田一切资源开发一部划时代噶跑车,点知一划,就从1989年划到2005年,足足15年有多。
 
最后武士------本田NSX (NA1与NA2) - Ryan  - Ryans 粤语车评博客
 
鬼佬其实最初发现NSX系系1988年,有D八卦噶记者影到有部车测试紧,部车好快,红色,车身好矮,好阔,车门后面有个入风口估计引擎好似摆系后面,以为系法拉利,其实系NSX。无几耐NSX就系1989年噶芝加哥车展发布,当然啦,去到人生路不熟噶美国,当然都用ACURA作为牌子。NSX初初系用跳灯设计,而车架就用全铝合金单体形式制造,好轻身,大概比同等强度用钢材造车身比较轻200公斤,车身扁得好交关,经过一系列风洞测试之后,NSX成型,符合当时顶尖噶流体力学。由于NSX坚持走自然吸气路线,代号都改成NA1,采用编号C30A噶3.0升V6引擎,本田修改左缸径同冲程,活塞同连杆都用贵到飞起噶钛合金来造,VTEC技术当然吴少得,加埋PGM-F1电子喷射系统,引擎性格偏向高转大马力,最大马力去到270匹。中置引擎后驱布局,居然离奇达到接近50:50噶前后配重,加埋五前速手波,0-100加速6秒搞掂。悬挂方面用左超跑常见噶前后铝合金双摇臂,一句讲晒,呢只野,弯王。离到最关心噶价钱问题,NSX初初开价要65000美金,1990年呢个数目,我啉吴止贵甘简单,所以总共卖左18000部左右就收档了。
 
最后武士------本田NSX (NA1与NA2) - Ryan  - Ryans 粤语车评博客
 
NSX噶内笼基本上都系以跑车化为主,特色在于中控台有个大斜坡,新鲜感够但系实际用起身就知道系几甘概念。NSX噶产量本来就少,而且绝绝绝大部分都系右太车,所以如果有心试下呢只贵野,就要比D心机帮距整翻个右改左工程先,如果吴系,开惯左太车噶朋友就会好吴惯,一般家庭车右太其实我都觉得无乜所谓,但系呢D极品,如果用右太就吴多吴少无飞得甘尽。红黑色内笼已经好有跑车味道,两座位跑车就系应该去到尽,赶绝外母之余连屋企只旺财都要赶绝埋。
 
最后武士------本田NSX (NA1与NA2) - Ryan  - Ryans 粤语车评博客
 
由于C30A属于比较大排量,话晒都有3.0升,推NSX本身就偏轻噶体重可以话毫无难度,所以睇转速表表底无甘之前介绍噶B18C-R,B16A甘颠下下都万转表底,但系睇时速表表底就吓亲人,300公里时速,真系快到无朋友。但系由于280匹噶耐力并吴系一般噶零四加速狂,所以如果要达到呢个极速,你就需要D耐性喇。
 
最后武士------本田NSX (NA1与NA2) - Ryan  - Ryans 粤语车评博客
 
呢副被好多本田玩家成为“HONDA SOUND”交响曲噶C30A引擎,睇外表真系觉得距无乜特别,连本田红顶一贯噶鲜红色喷油都无,仲以为系一副房车噶引擎添,不过只要哒着距,踩下油,系背脊后面传离噶高频声就会围住你,熄鬼左副音响去啦,引擎声仲正啊。讲翻呢副神台引擎,同车架噶默契好够,虽然系高转速引擎,但系因为大排量,所以感觉上好似成个转速范围都好肯出力,一D都吴懒,而且好有预知性,吴会好似涡轮增压引擎甘突然爆下,所以配合NSX淡淡定噶行车表现,距系属于易开果类,求求其其都会开得好快,呢个系讲紧街道。但系如果系赛道,要将距开得快就要D技巧喇,首先中置引擎跑车好多人会觉得机头系后面,车尾一定会西,呢个系打太打得急先会,其实对于NSX来讲,入弯果下车尾已经开始有D走,你呢个时候其实反而应该慢慢打太,等个车头吴好一路指住个弯心,出翻小小,呢个时候车尾跟翻上来,你又见到出弯,甘就大脚,或者定住头先个油门深度,甘样个弯就会好靓,不过车噶表现好在乎调教,我觉得系甘,可能你觉得又吴系。
 
最后武士------本田NSX (NA1与NA2) - Ryan  - Ryans 粤语车评博客
 
1995年NSX出自动波版本,引擎转用电子油门,1996年NSX多左一个变种,就系可以将车顶拆走变开篷车噶NSX-T。其他都无变,就系个车顶可以拆走或者摆系屋企。1997年开始大搞,将引擎升级为C32A,3.2升V6,最大马力去到290匹,配六速手波,车身刚性继续加强,前后加大刹车碟,车灯都升级埋氙气大灯,胎铃方面都有升级,用BBS特轻合金铃。而系2002年打后,NSX全部都用晒明灯设计,减低风阻至于睇起身醒目左,而吴系好似旧款未训醒甘。
 

最后武士------本田NSX (NA1与NA2) - Ryan  - Ryans 粤语车评博客 

 

既然系本田噶高性能车,当然都会有TYPE R噶版本,呢部野系1992年发表,同时都系本田噶第一款TYPE R,重点改良部分系减重100公斤,RECARO桶椅两张,方向盘换左MOMO出品,而且继续补强车身刚性,避震加硬,操控更加精准,马力系甘咦调到280匹,成部车达到另一个更高噶平衡点。

最后武士------本田NSX (NA1与NA2) - Ryan  - Ryans 粤语车评博客
 
头先讲到02年之后NSX用明灯设计,连车架号都转为NA2,就系呢个款,其实熟悉三菱车系噶朋友应该有印象,以前噶后期款三菱GTO头灯同呢个差吴多,都系属于低风阻又可爱噶设计。NSX系01年发表NSX-R概念车,之后真系推出NSX-R,不过头冚就无用到碳纤,尾翼就保留,今次改良,主要系套大包围同操控性能,今次工程师重新装嵌C32A引擎,减低运转阻力,甘样搞一搞,令到NA2  NSX-R系德国纽堡林赛车场圈速比同时期噶保时捷996 卡雷拉快8秒,所以话,轻量化高刚性车身加绝佳操控性能,系可以抵消一部分马力上噶差距。
 
最后武士------本田NSX (NA1与NA2) - Ryan  - Ryans 粤语车评博客
 
既然NSX甘勁,改装就肯定吴系冷门。大家记吴记得东京漂移里面有一幕,就系一大班人系地下停车场度聚集,有好多改得好靓又好怪噶车,其中一个镜头就影左呢部由日本著名包围公司VEILSIDE打造噶NSX,有兴趣不妨稳翻条片出来观摩下,完成度好高,所以当时静系得个车尾,我都睇吴出距系乜鬼。
 
最后武士------本田NSX (NA1与NA2) - Ryan  - Ryans 粤语车评博客
 
系2009年噶东京改装车展上面,专改本田车噶MUGEN公司仿照参加SUPER GT噶GT500战车,整左部Mugen NSX-RR出来,重点在于一套夸张但系好有用噶大包围连引擎入风口,引擎就由原先位置转左90度,甘样部车噶配重就更加好,而且配埋锻造合金铃,战斗力继续飙升。
 
最后武士------本田NSX (NA1与NA2) - Ryan  - Ryans 粤语车评博客
 
NSX主要都系参加SUPER GT赛事,同一大班SUPRA,GTR之类斗到难分难解,上面呢几部都系曾经获奖无数噶NSX赛车,虽然外表来自NSX,但系里面已经系方程式赛车格局。
 
最后武士------本田NSX (NA1与NA2) - Ryan  - Ryans 粤语车评博客
 
本田参加SUPER GT噶最新款战车就系呢部用V10引擎噶HSV-010,不过引擎就走左去前面,新车引擎声似足F1赛车引擎声,尖锐程度爆灯。当年本田之所以停产NSX,金融风暴对汽车业界影响比想象中勁,好多都卖盘或者干脆执粒。NSX呢D纯种跑车系世人眼中始终都吴系必需品,车厂再比钱落去都可能系等于倒钱落咸水海,而且NSX由于造价贵,开价仲贵!05年停产之后,本田继续整左5部限量收藏车出来,开价要5000万日元,而多出普通版本4倍噶车价,得到噶只系一个限量噶噱头。所以到宜家为止,NSX都仲未有后代,我吴知道参加紧SUPER GT噶HSV系米最后选择,但系呢部高科技结晶除左都系三个英文字母做车名(HSV仲要系一种疱疹噶名字!)之外,根本同我地心目中噶NSX一D都无关系,我睇电视介绍话日本噶武士精神好多时候都表现系一种执着,但系睇宜家噶本田车,好似越来越妥协了。  
 
 
  评论这张
 
阅读(2234)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017