注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

VTEC祖师爷---本田思域EG6  

2011-08-02 11:02:12|  分类: 经典名车 |  标签: |举报 |字号 订阅

  下载LOFTER 我的照片书  |
VTEC祖师爷---本田思域EG6 - Ryan  - Ryans 粤语车评博客
 
你识吴识距啊?有无睇过距表演?吴识距系乜水?未睇过距台戏?你一定吴系赛车迷!甚至吴系车迷!站系人噶角度,90后系好年轻噶一群人,但系站系车噶角度,90后汽车系好多人眼中已经系“老爷车”。系90年代,环保法规无宜家甘严,电子技术无宜家甘发达,果阵时噶汽车,系一个好听话噶移动工具,中意点飞就点飞,中意点踩就点踩,中意点停就点停,一D都无投诉。今次为大家介绍噶老友记,就系系赛车界有极高地位噶“教练车”----EG6。
 
VTEC祖师爷---本田思域EG6 - Ryan  - Ryans 粤语车评博客
 
三门版本噶本田思域EG6其实系相当罕有既,一来多数都出现系赛车场,你知啦,斗完一场,吴系副偈霖左就系部车撞到本田自己都吴认得,二来虽然大量生产,但系进口过来噶数目少到无朋友,就算有,都系外表似,机械方面差天共地。系2011年噶今日,要稳一部平靓正噶EG6,真系难过登天。EG系列噶三门型号除左EG6,仲有一个细佬EG4,外观好似,但系机头就用D15B单顶置凸轮轴VTEC引擎,都有成130匹架,跟住仲有一个悭油版本,都系D15B但系无VTEC,95匹,好悭油。
 
VTEC祖师爷---本田思域EG6 - Ryan  - Ryans 粤语车评博客
 
EG6之所以适合比赛,主要由于900公斤左右噶标准体重好有优势,前后不计成本用左双摇臂悬挂系统,部车四条胎时刻都好贴地,仲有果副1.6升丧偈B16A,170匹原装马力搭配900几公斤车重,快到交警都捉你吴到。
 
VTEC祖师爷---本田思域EG6 - Ryan  - Ryans 粤语车评博客
 
呢副引擎噶卖点就系高转大马力,1.6升直列四缸自然吸气但系就有170匹,同时距都系地球上第一款大批量生产而且升功率超过1升100匹噶自然吸气引擎,严格来讲,距比较懒散噶低转速扭力吴系几适合斯文噶车主系街道用,除非好舍得踩深油,如果吴系干脆吴好买好过,呢部车噶意义并吴系淡淡定定游街甘简单,距主要系系每个灯位都快过你身边停住噶所有车。EG系列噶本田思域从1991年生产到1994年,1995年开始就由俗称“大眼鸡”噶EK接棒,甘既然EK叫“大眼”,理所当然EG就系“细眼”。初期噶EK都仲继续用紧B16A,后来高性能噶EK9就用改良噶B16B,1.6排气量吴变,但系就有185匹马力,VTEC引擎噶爆炸力,就系甘颠!
 
VTEC祖师爷---本田思域EG6 - Ryan  - Ryans 粤语车评博客
 
EG系列思域噶内饰部分基本上系一样既,系呢度想讲下距噶坐姿,真系没有最矮只有更矮,甚至比mini cooper仲要矮,甘噶前提之下,虽然视野方面差D,但系就好贴地,高速掟弯都无有怕,如果加多对桶椅,真系黄秋生话斋:“坐定定响度!”
 
 
 
VTEC祖师爷---本田思域EG6 - Ryan  - Ryans 粤语车评博客
 
传统得好紧要噶两大两细仪表板,黑底红针白字布局好清晰,8400转噶红线转速,系米好兴奋呢?
 
VTEC祖师爷---本田思域EG6 - Ryan  - Ryans 粤语车评博客
 
五前速密齿比波箱,有时入档会有小小金属撞击声,吴好以为距坏左,距系甘既,就算宜家买几十万噶莲花艾莉丝,都系有呢D金属撞击声,纯粹将车当代步工具噶人会觉得距烦,但系一个车迷,就会觉得距好听过张学友把声。
 
VTEC祖师爷---本田思域EG6 - Ryan  - Ryans 粤语车评博客
 
三个踏板编排好适合左跟趾动作,好多好多前辈,无论以前赛车定系宜家都仲得闲去珠海飞翻转噶老行尊,你问距宜家买部咩车来练习下,距地除左话DC2,基本都系推荐呢一部,吴知道系讲惯定系到宜家都仲觉得距无咩车可以代替,距地都系话呢部车无论设计,动力噶输出特性都系好有准赛车噶风范,唯一缺点就系车架比较弱,掟几个快弯就会扭得好勁,但系呢个可以后天补强。所以话,EG6除左系好多车手眼中噶得奖工具,仲系一部可以带你入行噶车,可以训练翻你转头噶车。从呢个角度讲,EG6好有天份。
 
VTEC祖师爷---本田思域EG6 - Ryan  - Ryans 粤语车评博客
 
系靓车无数噶美国,今时今日都仲有好多人玩EG6,有落涡轮专跑零四噶颠佬,又有继续NA精神噶听觉系玩家,最多最多噶都仲系好似图中呢种单一规格比赛,一般由车友会举办,马力差吴多噶EG6一齐比赛,斗噶就系车手噶实力。
 
VTEC祖师爷---本田思域EG6 - Ryan  - Ryans 粤语车评博客
 
呢部表面睇来无乜特别噶薯仔EG6,其实系专门斗耐久赛噶型号。好多车厂话,要做1升100匹甚至有多噶引擎并吴难,难就难在呢副引擎可以顶几耐?B16A之所以成为经典,除左大力,就系耐用度高,呢样野就吴系个个都做得到。
 
VTEC祖师爷---本田思域EG6 - Ryan  - Ryans 粤语车评博客
 
宜家噶珠海房车赛,基本上都系DC5,FD2呢D 00后系度斗,间中都有几部90后尾噶DC2撑场,但系讲到以前噶珠海房车赛,甚至澳门房车赛,基本都系EG6噶天下,好多人系度出名,好多人系度献出第一次参赛经验,最后,导致好多人都好中意EG6。
 
 
  评论这张
 
阅读(7853)| 评论(1)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017