注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

轻功哲学-----莲花Exige S240  

2011-12-04 14:20:10|  分类: 经典名车 |  标签: |举报 |字号 订阅

  下载LOFTER 我的照片书  |
轻功哲学-----莲花Exige S240 - Ryan  - Ryans 粤语车评博客
 
942公斤,你觉得会系一部乜嘢车?一部代步走货噶微型面包?定系一部细码逼爆人噶家庭房车?如果话你知,呢部系一部跑车,你可能会估到我讲紧噶就系莲花噶elise。不过elise系开篷版,今次要介绍噶系硬顶版Exige,而且系强化左既Exige S240。莲花车厂系1952年创立,一直都做轻身既跑车为主,同一般既英国豪华车吴同,距主张部车一定要够“斋”,乜Q豪华装备都无就最好,而且同其他超级跑车都吴同,距吴中意用大排量噶巨肺引擎,而系中意用D细排量引擎,目的只有一个------就系要轻。
 
轻功哲学-----莲花Exige S240 - Ryan  - Ryans 粤语车评博客
 
Exige S240其实都系用普通Exige改良,而Exige同Elise又系一个饼印,所以睇上去无论外形同尺寸,都基本上差吴多,不过如果细心D睇,就发觉有好多细节都系经过改良,比如车头既入风口加大左,生风就可以系呢度直吹水箱散热,S240用左中置引擎噶布局,所以水箱装系车头可以令到散热更加直接。前泵把仲有两块可以拆走既细扰流,高速行驶噶时候可以增加车头噶下压力。
 
轻功哲学-----莲花Exige S240 - Ryan  - Ryans 粤语车评博客
 
S240噶引擎装左一副机械增压器,车头挡风玻璃上面有一个入风口,作用系引导生风直吹机械增压既中泠器,再透过中冷器之后吹散引擎舱多余既热气,保证引擎系一个比较好噶工作温度里面运转。
 
轻功哲学-----莲花Exige S240 - Ryan  - Ryans 粤语车评博客
 
头先提到车顶有个入风口,D生风就系要来吹呢旧野,巨型中冷占左引擎舱好大空间,于是乎水箱就移左去车头。引擎方面,S240用左丰田狮力架上面既1.8升 2ZZ-GE引擎搭配机械增压,连埋6速手波波箱全套,最大马力243匹,最大扭力230牛米。丰田狮力架系前驱设计,当时如果吴系车架吴得,呢副2ZZ-GE早就红喇。用前驱车噶引擎波箱移植到中置后驱既Exige身上,感觉距似改装车多过似原装车,但系莲花噶绝技在于调教,1.8升引擎放系一部900公斤出头既车仔身上已经比较夸张,再加埋机械增压同埋一副密齿比6速波箱,4.5秒就可以从静止冲到100公里/小时,而且够胆噶话距仲可以冲到250公里/小时既极速。
 
轻功哲学-----莲花Exige S240 - Ryan  - Ryans 粤语车评博客
 
S240引擎上面有一块开窿板,引擎舱热气可以系度带走,之后系一只大尾翼,配合埋车底一块扰流,可以保证部车系高速噶时候有足够下压力,呢点对于一部偷轻偷到无野好偷既轻量级车仔来讲好重要。
 
轻功哲学-----莲花Exige S240 - Ryan  - Ryans 粤语车评博客
 
打开车门,平时见到噶隔音胶条吴见左,储物格都无埋,就得一个拉手同电动窗开关,甚至连块玻璃都好薄。入去部车之前要提一提,S240门口位非常之细,而且部车就得果一米一高,再加上门槛位置比一般车高得多,入去噶时候要将你个身折埋,当你发觉吴顶头喇,先转身入去,跟住打返开你个身,然后关门。
 
轻功哲学-----莲花Exige S240 - Ryan  - Ryans 粤语车评博客
 
莲花Exige可以比你见识到全世界轿车里面最粗最高既门槛,事关距个底盘系用一种叫做“模块化铝制底盘技术”冲压而成,呢副底盘无乜舒适性设计,无乜乘坐空间,连平时铺满底盘噶地毯同绒布都吴见晒,最大特点就系轻身同埋硬。S240个空间比好多家庭车都要窄,手争位都会吴觉意点到门板,不过坐姿就相当赛车化,贴地噶坐姿,稍微偏高既波棍位置,细直径既太盘,都系赛车噶设计,不过三个踏板位置就相当近,跟趾动作系呢部车噶驾驶要求上面只系入门。唯一可以觉得部车舒服既,可能就得翻乘客位既简单踏板同埋一副吴系几冻既冷气可以叹。至于好多城市人关心既风油太,更加系啉都吴使啉,无。
 
轻功哲学-----莲花Exige S240 - Ryan  - Ryans 粤语车评博客
 
桶形座椅计,呢张吴算系超薄,不过由于设计好,配合埋坐姿,都不失为一张好用噶座椅,但系可惜安全带依然系传统三点式,如果可以用赛车化既六点式安全带就更加好了。座椅隔离就系门槛,一般来讲门槛吴会比座椅坐垫高,但系距就相反,轻量化高刚性车身系莲花眼里面就系牺牲舒适性。 
 
轻功哲学-----莲花Exige S240 - Ryan  - Ryans 粤语车评博客
 
除左车身轻同一副扭力型引擎之外,S240既底盘功夫都系一绝。避震机方面,距用左OHLINS避震,有好大噶伸缩调整空间,配合部车前后双摇臂悬挂系统,保证四个车辘几时都甘贴地。呢部Exige S240噶车胎都系专用既,由横滨轮胎专为距开发既A048半热熔胎,因为专用,所以车胎上面有LTS标志,另外,锻造既合金铃可以再进一步减轻车重,AP对向4活塞刹车套装令到部车更加易收。好多时候系一D超跑嘉年华里面,都会有莲花噶出现,甚至会有Exige出现,同一般超跑吴同,距无全碳纤车身,又无巨肺V8甚至V12引擎,又无郁D就几百万既身价,但系偏偏距就系超跑一部,因为距车身超级轻,驾驶态度同部车噶调教都系超级专业,同埋呢部车实在超级好玩。系呢个年代,尤其系汽车同质化越黎越明显噶2011年,已经越来越少好似莲花甘噶车厂,越系刁钻,越系固执,行噶路就越艰难,但系甘又有咩所谓呢,一部经典好车既价值,吴系因为距有几大众化有几好卖,而系因为距有人欣赏而存在,就算几孤独几艰难都系继续存在。
 
 
  评论这张
 
阅读(312)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017