注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

隐形战车-----2012款奔驰CLS 63 AMG  

2011-12-26 14:45:09|  分类: 试车日记 |  标签: |举报 |字号 订阅

  下载LOFTER 我的照片书  |
隐形战车-----2012款奔驰CLS 63 AMG - Ryan  - Ryans 粤语车评博客
 
如果你系车迷,甘你应该会知道梅赛德斯奔驰。如果你系奔驰车迷,甘你都应该会知道AMG。但系今次同以前唔同,虽然AMG一向都跟住奔驰D新车出高性能版本,目的系想将豪华同运动两个本来对立既元素炒埋一碟,整一部距地认为系完美噶车,但系由于奔驰一直都以豪华为主打,就算几新款几标榜部车跑得既奔驰,始终都会保留一D豪华味,相对来讲运动性能无乜破天荒既表现。所以今次借助CLS转款,连性格都转埋,而且经过AMG改造之后,呢部CLS 63 AMG散发既唔单只系奔驰一向既“豪”,而且仲有好浓烈既战斗味。四门跑车,要甘至似样!
 
隐形战车-----2012款奔驰CLS 63 AMG - Ryan  - Ryans 粤语车评博客
 
CLS今次唔系小改款,而系转新款,由头到脚入心入肺都系全新设计。车头方面,同刚刚推出既小改款C63 AMG类似,都有一个八字形头泵把入风口,而且两边集成LED日间行车灯,车头中间有比较尖既V型中网配巨型BENZ标志,中网得一条橫间(普通CLS系有两条),头冚有小小突起,暗示住下面副引擎绝对唔普通!系呢度我想特别提下距嘎车身尺码,新款CLS其实系一部好大嘎车,坐系里面望出面有小小扭曲既感觉,试车既时候就仲明显,开出距经过D细路口或者窄D既单行线,好似唔够过甘,跟住就自然会减速慢慢行,而且呢部车唔轻,时时刻刻都感觉到距嘎吨位,甘当然,又矮又大既车身比人既气势系细码车仔无办法有既,所以呢点就要车主自己将就,距系可以开得好快既一部车,不过都系好容易HI花既一部车。
 
隐形战车-----2012款奔驰CLS 63 AMG - Ryan  - Ryans 粤语车评博客
 
同一般CLS唔同既,仲有车头两边都有抛沙版设计,甘样先可以装得落阔胎铃,等部车高速可以更加定。前叶子板有块“V8 BITURBO ”标志,意思好明确喇,车头里面系一副V8双涡轮增压引擎。车身方面,侧面无左标志豪华既银色镀铬条,干脆用一个白雪雪既肤色,而两边侧镜都集成左新款箭嘴型LED转弯灯,潮之余增加小小安全性。刹车方面,卡钳用左钛灰色AMG卡钳配360mm直径既刹车碟,而且停车果阵踩多脚可以有HOLD功能,等红绿灯唔使空档,如果觉得部车唔够收,仲可以加钱装420mm直径既碳陶瓷碟。胎铃方面,呢套AMG铃用左新技术,密度高,就算用几薄既胎都唔影响距嘎耐用度,车胎就用左前辘255/35 R19,后辘就去到285/30R19,大陆胎。
 
隐形战车-----2012款奔驰CLS 63 AMG - Ryan  - Ryans 粤语车评博客
 
车尾方面,尾灯设计比较似树叶,里面系LED灯。行李箱盖上面就要一小块尾翼用来提高高速车尾既稳定性,下面就有一件黑吗吗既下扰流。排气方面就用左AMG标志性四出尾喉,不过就用左唔系方形又唔系圆形既不规则设计,好唔好睇见仁见智,不过排气声就真系好有气势,系果种AMG大排量引擎独有既低沉声,一般大排量引擎排气声其实都比较厚实,而呢部车既引擎声就实到好似有野敲击个地下甘,真系好沉实。基本上成部车外表装扮既地方唔多,未着车之前最多会觉得系一部外观派改装车,甚至有D人会觉得,哦,大奔,唔怕啦,开得好慢嘎姐,但系对著CLS 63 AMG,就要留心D听下距把声,再考虑下爬唔爬距头。
 
隐形战车-----2012款奔驰CLS 63 AMG - Ryan  - Ryans 粤语车评博客
 
既然系名厂既改装车,引擎就唔可以马虎。虽然部车车尾写“63”,但系引擎就已经唔系C63上面果副6.2自然吸气引擎,而系新款既5.5升V8加两个TURBO,呢副新引擎代号M157,标准输出系525匹,最大扭力700牛米。无论E63定系S63,宜家都转左用呢副,引擎有好多新鲜设计,比如空气冷却器就走左去汽缸既V型夹角里面,而且不锈钢入风管好短将涡轮迟滞减低,另外仲有有利于进排气既大进气门同排气阀门,40度无段改变进排气凸轮正时系统,铁合金曲轴,两个油压吸震器,低摩擦气缸套等等。如果再价钱装AMG Performance Package套件,涡轮压力可以由1.0 bar升到1.3 bar,最大马力去到557匹,最大扭力800牛米,0100 km/h加速就由原先4.4秒减少到4.3秒。 虽然专用涡轮增压引擎,但系大排气量本体依然可以提供任何转速区域都可以即踩即有既扭力反应,再加埋AMG招牌沉实喉声,的确好吸引。行车表现方面,距比普通CLS贴地,但系如果同C63比较,掟快弯嘎时候距车尾恢复稳定既时间就要耐D,如果大家都出现甩尾,距都会甩得耐D。刹车性能方面虽然无C63甘犀利,不过都唔系差,所以如果装套碳陶瓷碟,就会唔同晒。
 
隐形战车-----2012款奔驰CLS 63 AMG - Ryan  - Ryans 粤语车评博客
 
作为奔驰既出品,而且有AMG做手脚,豪华味依然有。CLS依然继续用四只无窗框既车门,打开既时候感觉相当不羁。全黑内笼搭配碳纤同铝合金装饰,散发跑味岩岩好,起码感觉唔会好似超级跑车甘周围都系机械,不过真皮有D粗鞋。CLS 63既太盘用左上下平底设计,手感超班,而且系D握手位有特别凹陷设计,好就手。特别提一提张凳,可以多角度充气,甘样高度过弯嘎时候你就唔会左线右线,为驾驶乐趣同是都为左安全。
 
隐形战车-----2012款奔驰CLS 63 AMG - Ryan  - Ryans 粤语车评博客
 
 仪表板里面有个刻住AMG既速度表写住320km/h(CLS 350系260km/h)、刻住V8 BITURBO既转速表、换挡拨片系冻冰冰既铝合金。波棍位置好似同厂一哥鸥翼SLS AMG,P档独立一个制,中空既方形设计而且外面再包一层真皮,顶部仲有AMG标志,好精细。右手边有一个圆形可以拧既制,系调教波箱模式,ESP关闭程度同埋避震软硬。另外,一般CLS用77G-TRONIC自动波,但系CLS 63就用换挡更快脆既AMG SPEEDSHIFT MCT自动离合器波箱,头先提到既圆形制,转去C,就系表示一般模式,而且停车熄火系统会着。另外仲有换挡快D既S,再快D就转去S+,想转手波控制就转去M,最后有标榜赛车起步既RS。系度我想讲一讲手动模式要注意既地方,呢部车嘎波箱反应好快,如果你习惯开手波去到红线先换挡,而且部车唔chok,可能系你离合器控制得好。但系呢部车尽油加速去到6300转打后先升档,部车系会好chok既,你又唔得用离合器控制喔,甘点呢?所以最好都系望著仪表板,距有换挡提示灯,距够钟升档会有提示,呢个时候升档,就会好顺滑,所以要注意。 
 
隐形战车-----2012款奔驰CLS 63 AMG - Ryan  - Ryans 粤语车评博客
 
讲左好多关于呢部车行驶方面嘎野,系米话呢部车静系可以用黎飞呢?既然有四只门,又有甘大车身,我地都睇下距后排。开门之后,以往见到嘎三位乘客布局无左,就得两张标准大人凳,中间可以放D杂物或者随身物品,脚部空间唔算细,而且靠背都比较斜,顶头既问题有小小好转,但系都唔可以话好大头部空间。系中国,尤其我地生活既沿海地区,我唔知道呢部车嘎买家会唔会用距黎玩,呢部车太盘嘎感觉同一般AMG出品差唔多,都系慢速好轻巧,高速好重既类型,所以如果稳呢部车得闲载下人或者机场接送缩短下时间都系几好既,距一样系有好高水准既隔音同埋稳定性,甘当然啦,睇下个司机兴唔兴奋,呢部车可以话系有双重性格,而且要表现都好容易,全部系晒你只右脚度。
 
隐形战车-----2012款奔驰CLS 63 AMG - Ryan  - Ryans 粤语车评博客
 
有一个小细节,就系呢个系行李箱里面既收纳袋,其实CLS尾箱唔算细,而且后排座椅可以拍低运送D长型物件,但系呢部甘快嘎车,走一段路可能行李箱里面你D书啊或者小物件就会飞到周围到系,所以如果装系呢个袋里面,就唔怕停车之后周围稳喇!呢个袋你唔用仲可以向上收埋,然后好似关柜桶甘向前推,甘就可以收起距。我知道宜家好多人都转玩欧洲车,如果真系要稳一个理由拣欧洲车嘎话,可能就系距有D好贴心既设计,但系距唔会话你知嘎喔,要你自己发掘。
 
隐形战车-----2012款奔驰CLS 63 AMG - Ryan  - Ryans 粤语车评博客
 
好多朋友都钟情自然吸气引擎,中意距输出线性,中意距易打理,同时都有一班人中意涡轮增压引擎,中意距够快,够爽又好力,如果你问我边仲好,我就话各有各好,不过宜家个个都讲环保,连车都开始用涡轮增压技术去减低废气排放而且做一个比较好既马力数字,我只能够讲,唔系话马力大就叫做好,一部车之所以快,系因为距加速快,刹车快,转弯反应快,每一个环节都好均衡,而且好用心制作,哪怕距价钱唔系最平,排放唔系最环保,只要系距自己既级别里面做到最好,甘就已经好高分。比较都要睇系用乜嘢来比,比如3系,距如果比C级比A4悭油,甘可以话距好成功,但系如果用距同飞度仔斗悭油,甘就系sai时间。
   
隐形战车-----2012款奔驰CLS 63 AMG - Ryan  - Ryans 粤语车评博客
 
奔驰唔算平,经过AMG搞过既就更加贵。呢只标榜跑车款头兼一级操控既隐形战车就更加贵,所以都预左系街上面少见。但系头先系微博度见到有部锐志装左凌志ISF上面果副5.0发动机,我反而觉得身边多左好多高性能车,只不过由于太低调,就算见到都未必认到,之前佛山呢边都有装4.3凌志引擎既锐志,或者装E55 AMG引擎既E240等等,越来越多披住羊皮既狼系身边出没,所以有时系高速又好,红绿灯起步又好,比一部外表普通嘎车抛离一D都唔好惊讶,或者距都系一部隐形战车。
 
 



  评论这张
 
阅读(524)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017