注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

千王之王-----本田S2000简介(AP1&2)  

2011-12-11 13:45:26|  分类: 经典名车 |  标签: |举报 |字号 订阅

  下载LOFTER 我的照片书  |
千王之王-----本田S2000简介(AP12) - Ryan  - Ryans 粤语车评博客
 
1999年,我仲读紧中学,果阵已经好中意一班人围埋一齐倾下车。当时有好多吴同噶汽车杂志,D同学仔就每人买D吴同种类噶杂志,下课十分钟或者自修课总之一得闲就几个一齐密斟,呢部车几时上啊,果部车改款换左D咩野啊,呢部车同果部车系米一样野黎啊之类,有时为左证明自己资料正确,哎交哎到面都红埋。尤其系对跑车噶争拗,仲执着过考完试对答案!不过好可惜,到我地大学毕业,呢D曾经令我地拗到反晒面噶跑车逐渐停产,取而代之噶系一D空间阔落、节能减排而且电脑化噶家庭车,或者系“伪跑车”,可能厂家觉得,玩跑车噶人年纪会慢慢大,但问题系年轻人系会继续有噶嘛!成日听到同事讲,对某某车噶操控无晒feel,对某某车既外形表示喷饭,对某某车噶空间表示大过屋企噶浴室之类,对生活来讲,呢D舒适化噶设计或者系进步,但系对于一部车、甚至系跑车黎讲,可以话系一个退步。今次为大家介绍噶系本田S2000,呢部车无论何时何地、春夏秋冬、月缺月圆,都系车迷之间永远噶话题。
 
千王之王-----本田S2000简介(AP12) - Ryan  - Ryans 粤语车评博客
 
讲本田S2000之前,我地先返去果个充满车胎尖叫声、死气喉“昂昂声”而且汽油仲系两蚊几一升噶90年代,果阵可以话系跑车既全盛时期,尤其系日本跑车。R32 GTR,本田NSX,丰田SUPRA,马自达RX-7、,三菱GT0、富士翼豹GC8等等基本上都系排住队出,而且有好多独到噶设计出现系呢个时期。比如话GTR既ATTESA四驱系统、RX-7既13B-REW双涡轮增压转子引擎等等,系技术上有好大噶突破。不过系呢个时候,跑车设计已经开始出现电子化,但系一D关乎路感同操控感既零件依然采用机械式,相反宜家D跑车就基本上电脑化,新款噶日产GTR就系一个典型,电脑控制噶零件多到无人有,相反要驾驶者判断噶反而少,吴好话人脑,猪脑都可以开得好快。
 
千王之王-----本田S2000简介(AP12) - Ryan  - Ryans 粤语车评博客
 
讲翻S2000,距最初其实系来自一部叫做SSM既概念车。呢部概念车出现系1995年,对于果个跑车年代,距噶设计吴算浮夸,同TT相比,更加容易接受,事关长头短尾大口大眼呢D设计吴系无出现过,只不过将呢D元素都砌埋一齐可能前卫D甘解姐。呢部概念车用2.0升引擎,引擎摆系前轴后面,后驱,而呢部车另外噶一个特点,系一个全新噶X-BONE车架设计,后面会提到。无几耐,S2000就正式发售,当时系1999年。
 
千王之王-----本田S2000简介(AP12) - Ryan  - Ryans 粤语车评博客
 
一对迷死人噶眼睛,一副潇洒噶开篷车造型再加埋一个笑笑口噶表情,就系S2000对一般人噶第一印象。瘦削噶车身,超长噶车头,一切都好似好普通,甚至有小小家庭味,S2000系跑车里面比较潇湘。系咯,老千米就系甘噶咯。其实好多人区分跑车同一般车,好多时都系由外形出发,哦~~~~有夸张插晒出离噶头铲,有贴地噶包围兼餐台大尾翼,系跑车。其实吴一定系,真正好噶设计,系啉尽办法将空气动力学设计融入车身,法拉利就系一个例子,无尾翼,无抛沙版,但系部车就好贴地,呢D系气流管理既功力,甘当然,有甘噶身价吴出奇。而S2000噶出发点,并吴系外型要几劲,甘当然都吴系差。呢部车噶卖点,就系你挞着部车之后先会见到。
 
千王之王-----本田S2000简介(AP12) - Ryan  - Ryans 粤语车评博客
 
系内饰方面,S2000想表达噶就得一样野---我系纯种跑车。呢部车上面你feel吴到大空间,但系张凳就包到你实一实,无乜储物格比你放杂物,乘客噶空调出风口都系得一个。所有所有设备都系围绕住司机,除左开蓬噶开关乘客可以轻松店到之外,想搞其他野你就要问一问司机先得。呢部车最潮噶零件,应该就系司机左手边噶一键着车按钮。呢部车内饰简单,不过已经够晒了,严格来讲,距乘客位都系多余。可能你会话,点会啊?双座开篷车本来就系沟女战车。我吴否认好多双座开篷车有呢个功能,但系S2000吴系。
 
千王之王-----本田S2000简介(AP12) - Ryan  - Ryans 粤语车评博客
 
初期型号既S2000车身代号系AP1,采用一副叫F20C既2.0升自然吸气引擎,前期版系240匹马力,呢个时候距已经系达到一升120匹既出力,后来再破自己记录,后期版马力调到250匹,最大扭力22.2公斤米。125匹一升噶记录直到法拉利458噶出现先被人破左!F20C系S2000身上用左几年,同以前既本田红头B系列吴同,距采用左小气门夹角设计,缸径X冲程系87.0mmX84.4mm,压缩比11.7:1,对于吴系直喷既自然吸气引擎来讲相当高,再加埋8800转红区,9000转先断油,摆明着重高转速发力。配合6前速密齿比波箱,如果系赛道用呢部车系好好既,但系一翻到街道就慢到震。因为F20C吴似K20A甘有i-VTEC里面既VTC帮手,低转速扭力差,不过慢吞吞等红绿灯,同距可爱既外形反而有D衬。
 
千王之王-----本田S2000简介(AP12) - Ryan  - Ryans 粤语车评博客
 
无论几难接受都好,S2000噶仪表板都系用跳字式设计,无左指针可能会吴惯,但系有睇开赛车噶朋友应该知道,赛车仪表就系甘噶设计,系度我想提一提距噶油耗,其实提到跑车,话距悭油,系呃你既,但系并无一般大排量跑车甘夸张,S2000噶油耗大概系一升油行10公里,系玩乐型跑车里面,算悭油。
 
千王之王-----本田S2000简介(AP12) - Ryan  - Ryans 粤语车评博客
 
由于F20C实在太偏激,吴适合一般人系街道玩,于是就系2004年换左呢副F22C1引擎,缸径吴变都系87.0mm,不过冲程就加大到90.7mm,甘样搞一搞,本身2.0排量就升到2.2,然后马力调到240匹,虽然最大扭力都系得过22.4公斤米,但系就提前到6800转就有,中段噶扭力系好左好多,无左以前系街道拉牛上树既感觉,不过就无左越高转越大力噶感觉,高性能味道有小小减弱,引擎变左,车身代号就改成左AP2。
 
千王之王-----本田S2000简介(AP12) - Ryan  - Ryans 粤语车评博客
 
S2000系一部开篷车,而且系软顶开篷车,呢一类车最大噶问题系车架强度吴够,玩下玩下就明显觉得松散。虽然可以通过对车架进行补强达到同硬顶跑车一样既刚性,但系重量就会加码,肥胖系跑车界系吴可以接受既,就好似女士接受吴到自己平时吴食饭吴饮水但系一觉训醒又重左一斤一样。所以为左解决呢个问题,S2000上面有一个创新既设计,平时用肉眼睇吴到,所以要借助图片。距噶车架用左一种叫X-BONE既设计,直译就系X型骨架。即系图片右上角既黄色部分,X骨架好处在于受力设计好,斋用底盘抵消行车过程对车身既作用力,虽然S2000都系一吨二出头,但系可以甘讲,距系当时最硬既开篷车。
 
千王之王-----本田S2000简介(AP12) - Ryan  - Ryans 粤语车评博客
 
有好噶心脏,好噶骨格,当然吴少得发育健全既四肢。系好多杂志上面,都系话S2000用左前双摇臂后多连杆既悬挂系统,前双摇臂我无意见,反而我觉得距噶后悬挂吴同一般既多连杆。上面呢幅图,上面既系本田跑车NSX既后悬挂,下面系S2000噶后悬挂,再加上S2000噶前后悬挂都系装系车架上面,所以我觉得,距噶后悬挂系修改自双摇臂。而且甘样整,部车噶重心会降低,S2000噶犀利操控能力就系甘样黎噶喇。
 
千王之王-----本田S2000简介(AP12) - Ryan  - Ryans 粤语车评博客
 
或者好多人都觉得,距系跑车甘又点,又吴系TYPE-R。虽热车尾系无写TYPE-R,但系其实距系享受紧TYPE-R级别既待遇,事关距都系用红顶引擎,仲要系最爆果副添,车架设计同调教一样系赛道级别,而且部车都系极其轻量化。但系基于种种原因,S2000都越来越接近停产既钟数。系北美,本田推出左终极版既S2000 CR,而系日本,距叫TYPE-S,分别就在于一个左太一个右太。引擎用左微调既F22C1,最大马力242匹,最大扭力22.5公斤米,波箱就依然系果副6前速棍波。相比一般S2000,呢部终极版用左全新设计既大包围,仲有一只大型尾翼,悬挂经过重新调教,VSA车身稳定辅助系统变成标配,内饰用左车身同色设计兼徽章,车胎就专用普利司通既RE070,值得一提既系,买呢部车噶价钱同之前买普通噶版本差吴多,属于一部卖大包噶升级版。
 

千王之王-----本田S2000简介(AP12) - Ryan  - Ryans 粤语车评博客 

 

虽然系日本车,但系S2000对钟情运动型车噶欧洲影响力都吴可以睇小。本田系欧洲就发布左呢部名叫S2000 Ultimate Edition既纪念版本,相比CR版,外形要斋得多,仲斋过某D欧洲跑车,部车无夸张大包围,连尾翼都无,不过就送一个之前要加钱噶硬顶,距依然系一部软顶开篷车,想开蓬,将呢个赠品拆走就可以了。另外,欧洲噶情况同北美、日本好吴同,S2000系欧洲从头到尾都无换引擎,依然系果副疯癫既第一代F20C,车身代号依然系AP1,马力依然系初期版噶240匹。车身方面,就得一只颜色可以拣,就系本田引以为荣既“冠军白”,不过内饰方面就醒目D,红黑设计跑味十足。S2000出完呢个版本就停产左,虽然呢一两年成日有D概念车话系距投胎,不过我觉得,就算呢D车真系距噶转世,就算距几前卫,都已经吴系以前噶S2000,经典噶设计吴会因为时间而消失,但系经典噶车就好似时间甘,一去无回头。

 

 

  评论这张
 
阅读(2327)| 评论(12)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017