注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

武林萌主--------大众甲虫RSI  

2011-11-22 21:29:16|  分类: 经典名车 |  标签: |举报 |字号 订阅

  下载LOFTER 我的照片书  |
武林萌主--------大众甲虫RSI - Ryan  - Ryans 粤语车评博客
 
呢排行街,有意无意都会同甲虫车擦身而过,开车既有型男有索女,都有麻甩佬、师奶同猪扒,所以话甲虫真系一部好受欢迎噶车。甲虫车到目前为止一共就得三代,每一代比人噶感觉都系比较“萌”,尤其系属于第二代噶甲虫,更加系令女仔尖叫!虽然对手系历史悠久而且出名好玩噶Mini cooper,不过甲虫车特有既德国组装水准同埋行车质感,系其他国家噶对手比吴上既。甲虫车圆碌碌噶外形同巨型抛沙板令人觉得距好有安全感,所以话,笨重同稳重真系一线之差,睇下对著咩车噶姐。不过今次为大家介绍噶甲虫,吴系一般你系街上面见到既买送车、保姆车或者行街车,而系一部大众原厂改装既甲虫,一只飞得好快既甲虫。
 
武林萌主--------大众甲虫RSI - Ryan  - Ryans 粤语车评博客
 
甲虫车噶运动性能可以话系天生既,事关第一代甲虫用左后置引擎后轮驱动,就算当时噶引擎得一点几升排气量,由于底盘好有娱乐性,一样甘好玩!甚至世界各地仲有专为甲虫而设既单一规格比赛,比如上面呢一种甲虫杯挑战赛,1997年开始系比利时诞生,到今年已经系超过15年。呢个比赛一般有两个车型参加,一个系1.8升130匹汽油引擎版本,一个系1.9升160匹TDI柴油版,而所有款式都系用第一代甲虫,即系1951年前后果批。最重要噶系,你吴一定要买部呢D车,你同举办方租车都得,而举办方仲有培训课程,年纪轻轻噶车手比赛之后如果成绩好,仲可以顺便考埋赛车牌。另外,由于赛车用双座位设计,所以可以搭一个副驾驶系隔离,比赛都系采用积分制,相当刺激。
 
武林萌主--------大众甲虫RSI - Ryan  - Ryans 粤语车评博客
 
甲虫车去到第二代噶时候,大众为左令到老饼车迷回忆翻以前甲虫车系赛道上面既威水史,于是系2001年整左呢款RSI版,限量250部。同时距都系大众“R”系列噶第一件作品,事关大众既起源系甲虫车,所以就算有高性能版本出,都要跟翻呢个传统,而且最紧要噶系呢250部全部都系左太车。甲虫RSI可以话系后来既高尔夫R32等等既前辈,只不过距系限量版,有钱都未必买得到,同埋宜家新出而且大量生产既高尔夫R或者帕萨特R36,系两回事。 
 
武林萌主--------大众甲虫RSI - Ryan  - Ryans 粤语车评博客
 
RSI版既甲虫外形极度夸张,除左一身激突大包围之外,两边8公分既抛沙板令到部车好有肌肉感。除此之外仲邀请OZ帮距设计专用18寸合金铃,所以呢四只合金铃有大众徽章,又有OZ标志。车尾设计就跟翻以前噶甲虫,用左双出尾喉设计,两支尾喉中间仲有一个下扰流带走车底噶空气,配合车尾大尾翼就可以令部车更加贴地,尾玻璃有一块小型噶压风板,呢个设计系后来既扫把佬STI同埋三菱噶EVO上面都可以见到,不过呢个设计就比甲虫玩先,主要噶作用系梳理车顶经过既气流,高速噶时候部车就更加定。
 
武林萌主--------大众甲虫RSI - Ryan  - Ryans 粤语车评博客
 
RSI版本既甲虫可以话系一部笠住甲虫外壳既高尔夫R32,事关系距骰子甘大既引擎舱里面居然装左一副大众好出名既窄角度VR6引擎,3.2升排量可以输出224匹,最大扭力317牛米。虽然单睇数字好似吴系好勁,但系吴好忘记甲虫系一部细码既车仔,甘噶动力对于一部车仔来讲已经顶班,再加上距用左4motion四驱,D弯又快又定,过弯极限又高,感觉上比后尾推出既高尔夫R32仲要犀利。
 
武林萌主--------大众甲虫RSI - Ryan  - Ryans 粤语车评博客
 
讲完机械,再讲讲呢部贵野噶内笼。RSI版甲虫为左令部车有更加多跑味,车门板用作全碳纤,用左橙色打孔真皮包桶形座椅,呢张桶椅仲要系又RECARO帮手整,防滑同侧倾支撑都好高分,就系呢只颜色比较难打理。RSI中控台就以黑色同银色为主,不过系空调出风口下面就装左三只监控仪表,监察引擎状态。另外提一提,呢部车系用一副6前速噶密齿比手波波箱,其实2000年打后已经好少3.0升以上噶车配手波波箱,再加上为左偷轻部车,连车窗都要手摇,呢样野对于D中意玩大马力跑车噶朋友系一个好消息,事关系跑车身上,再多噶电子装备,再平顺既自动波箱,都只会削减驾驶乐趣。
 
武林萌主--------大众甲虫RSI - Ryan  - Ryans 粤语车评博客
 
系呢度我讲下甲虫噶后排,RSI同一般甲虫后排空间系一样既,好多人话距载吴到人,但系开左一个星期甲虫,我觉得OK喔。吴超过一米7一般都无问题,就系隔音差左小小,有时尾箱好似有D当当声,晚上开车听到都觉得有D恐怖。
 
武林萌主--------大众甲虫RSI - Ryan  - Ryans 粤语车评博客
 
好少人知道甲虫车曾经系赛车场上面系几甘威,或者会想将距改到高性能,事关距外形实在太“萌”,就算距几快,系一般人眼中只系一个搞笑噶成分,就好似系街见到有只狗仔跑得好快,你只会觉得距好得意,而好少留意距点解会跑得甘鬼快一样。外形呢样野,往往都会先入为主,就好似《变身男女chokchokchok》一样,系男系女,真系到最后距自己话你知你先知!所以如果有一日你开车比一部甲虫仔超过,你吴需要想象距改左D乜,而系甲虫本身就可以开得快,只系距平时习惯慢慢行甘解噶姐,人不可貌相,车都系一样。
 
 
 
 
  评论这张
 
阅读(675)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017