注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

人类同机器噶极限----勒芒24小时耐力赛  

2011-11-16 13:08:01|  分类: 基本理论 |  标签: |举报 |字号 订阅

  下载LOFTER 我的照片书  |
人类同机器噶极限----勒芒24小时耐力赛 - Ryan  - Ryans 粤语车评博客
 
呢排个个都系群度讨论勒芒噶战况,今年系珠海赛道举行既勒芒赛事,标致车队罗左头两名,奥迪好低调甘做左三哥。有呢个赛果吴出奇,奇就奇在不论男女老幼,都系度讲勒芒,甚至有D话想入去PIT位度参观。先吴讲距地知吴知勒芒系咩一回事,总之对赛车运动甘关注点都系一件好事!对于赛车来讲,勒芒系最长时间噶比赛,斗足24小时,而洲际噶勒芒比赛点都要6小时,比如珠海今次就系。长时间噶比赛同长时间游车河完全系两回事,游车河你系听歌,睇风景,同车里边D人倾偈。而赛车,你首先要承受你一个人噶孤独感,要睇赛道噶旗号,听队伍噶指挥,然后先系用你噶驾驶技巧去征服你面前呢条无风景又无新意噶赛道兼超车爬头,对人噶身心绝对系一个挑战。
 
人类同机器噶极限----勒芒24小时耐力赛 - Ryan  - Ryans 粤语车评博客
 
勒芒,又叫利曼,系一个法国小镇噶名,以商业为主,而工业方面就以冶金、汽车制造、机械、化学、电子为主,同时勒芒都系法国雷诺噶生产地。勒芒系法国比较重要既农产品市场同铁路中心,每年都会举行博览会,勒曼仲有文理同法律等等既专门学校,又有系中世纪已经建造既教堂同修道院,人口大约有20万,离巴黎大约200公里。呢个小镇之所以出名,好大功劳系因为距系1923年开始就已经举行既勒芒24小时耐力赛,法文叫 24 HEURES DU MANS。系地图上面睇勒芒呢个地方,赛道其实占噶比例吴算好夸张,但系每个弯角都好有心思,而且基本上都会有一个属于自己噶名,既然有自己噶名,当然有自己噶故事。比如著名豪华车厂宾利噶新车宾利mulsanne,就系用勒芒法国赛道好出名噶一个弯角黎改名,事关通过完呢个叫mulsanne既弯,之后就系一条大直路,宾利噶意思好明显,就系想表达呢部新车噶快,仲有就系系销量上面畅通无阻,所以意义同名气都好大。
 
人类同机器噶极限----勒芒24小时耐力赛 - Ryan  - Ryans 粤语车评博客
 
一个国家举行大规模赛车比赛,可能无乜特别,有钱有心情就可以搞。但系一个小镇举办世界级噶比赛,就吴系甘简单了。勒芒比赛日期确定之后,有份参加比赛噶车就会提前运到勒芒,身价过千万既勒芒赛车出现系一条街上面,仲要系好多部呢D车,震撼程度绝对顶班!再加上勒芒本身就好有文化噶建筑物,古老教条同尖端科技捞埋一碟,除左夸张,就系型。
 
人类同机器噶极限----勒芒24小时耐力赛 - Ryan  - Ryans 粤语车评博客
 
好多朋友都中意睇车展,尤其系中意睇D贵价车同改装车,勒芒比赛用噶车除左贵,就系勁,但系黎睇勒芒噶车主都吴野小噶。积架XK,梅赛德斯奔驰CLK,宝马M3,保时捷卡宴,感觉就好似车迷聚会甘,呢个只系冰山一角,事关睇呢D耐力赛,24小时都系系度飞,观众当然要24小时支持自己噶偶像,所以你会见到后面会有D露营车,甚至帐篷之类,一日一夜距地就系系度玩,感觉同露营差吴多,区别就在于一般去露营系睇风景感受下野外噶原始,而睇勒芒就系露营噶基础上附送一场不眠不休既比赛。
 
人类同机器噶极限----勒芒24小时耐力赛 - Ryan  - Ryans 粤语车评博客
 
既然系世界性赛事,当然连炒车都系世界级。由于比赛时间长,而且车手开车时间有规定,所以疲劳驾驶系个个车手都要面对噶问题,事关车手对车噶感觉发生左扭曲,开快车对距地来讲吴难,问题系斗勒芒噶时候成日都系度开快车,开来开去好似无得停甘,开到尽都好似未到目的地甘。跟住你一个人坐系部车都就会有时间啉下D无厘头噶野,但系呢个时候你部车可能行紧300公里/小时,你发怄逗开小差或者手抽筋扭下个太盘,甘你就玩完。再加上赛车设计讲求轻身,所以部车会用好多碳纤维同铝合金去整,一撞就碎,所以,勒芒系一个好危险噶比赛,举行左甘多届勒芒,可以话系死伤无数。
 
人类同机器噶极限----勒芒24小时耐力赛 - Ryan  - Ryans 粤语车评博客
 
勒芒24小时比赛系世界上最艰苦噶比赛,同一级方程式(F1)、世界拉力锦标赛(WRC)齐名。第一届勒芒赛事系1923年举行,但系无几耐就开始左第二次世界大战,所以从1936年同埋1940-1948年未举行过之外,勒芒耐力赛就未停过,年年都有得睇。耐力赛同一般比赛吴同,一般追求时间既比赛首先吴会斗甘多个圈,一般都系10圈8圈左右,比如澳门噶东望洋房车锦标赛,所以距地只要整部顶班既快车,再加个职业车手同埋车队人员同心协力,就可以有个好成绩。耐力赛就吴同,首先部车要快,而且部车要悭油,事关跑足一日一夜,少D入油对时间噶帮助系好大既,仲有就系车胎方面,少D换胎都系好有必要,呢度10秒,果度10秒,加加埋埋就可以悭翻多D时间。头先讲过一个叫做mulsanne既弯角,赛车经过呢个弯角之后系一条超长既大直路,所以赛车一定要有一身夸张既空力套件,即系平时我地讲既大包围,有条件既车厂更加系将赛车外形迁就性能,用黎保证高速噶稳定性同埋车胎时刻都要够贴地。
 
人类同机器噶极限----勒芒24小时耐力赛 - Ryan  - Ryans 粤语车评博客
 
系度又讲讲勒芒噶规则,同一般比赛又系有好大分别。事关24小时甘长时间,多D车睇下无甘闷,所以勒芒分成几个组别一齐落场斗。先讲下GT组,GT组噶要求系双门双座或者四座既量产车,自然吸气引擎排量吴超过8升,涡轮增压引擎排量吴超过4升,GT又分成GT1同GT2两种,GT1规定量产车一定要超过25部(大型车厂)或者12台(小型车厂),GT2规定量产车要超过100台(大型车厂)或者50台(小型车厂)。比如上面呢幅图,右边既R8 RGT就系属于GT2组别。

再来讲讲LMP组,其实LMP你可以理解为车厂专程为勒芒整既赛车,LMP又分LMP1同LMP2,LMP1属于厂车级数,自然吸气引擎排量小于6升,涡轮增压汽油引擎排量小于4升,涡轮增压柴油引擎排量小于5.5升。
LMP2 其实系私人车队噶车,自然吸气引擎排量小于4生,涡轮增压柴油引擎排量小于4.4升。
比如比如上面呢幅图,左边既标致908就系属于LMP1组别,属于厂车。
 
人类同机器噶极限----勒芒24小时耐力赛 - Ryan  - Ryans 粤语车评博客
 
见到奥迪标志同大大只TDI拉花,就知道系一部烧柴油既奥迪厂车,奥迪赢过7次勒芒既总冠军,比起陀地车厂标致更加抢眼。大家都知道柴油车比汽油车有优势系因为距比较襟烧,而且柴油引擎扭力大,对于耐力赛来讲就岩晒喇,所以自从奥迪开始用柴油车参赛之后,成绩都好好,不过标致后来都系用翻柴油引擎,大家都系欧洲车,大家都系柴油车,古时候勒芒比德国佬占领过,宜家系赛车场上面,标致开始系某D赛区度赢埋左奥迪,终结左甘耐一来既“奥迪神话”,比如今年噶珠海勒芒甘,世事往往就系甘峰回路转。
 
人类同机器噶极限----勒芒24小时耐力赛 - Ryan  - Ryans 粤语车评博客
 
今年噶勒芒,其中好有睇头既就系新款既宝马 M3都有份参赛,距离上一次系勒芒见到宝马已经系好耐之前噶事,当时宝马用左一部装左V8引擎既宝马 M3 GTR征战,成绩一般,吴系部车吴得,而系赛车真系讲求天时地利人和,当年M3系一大堆厂车里面唯有优势就系部车比较轻,只不过比赛规定要加上配重,所以就连呢点优势都无埋。而今年勒芒,宝马就用新款M3来开发,用左好多新技术,不过M3系勒芒里面,同其他车比起身真系无乜优势,只不过用距参赛,一来系为啖气,二来就系为宣传。
 
人类同机器噶极限----勒芒24小时耐力赛 - Ryan  - Ryans 粤语车评博客

 

奔驰车队都有派代表参加勒芒,就系呢部新鲜滚热辣既SLS AMG,6.2升巨肺V8加上赛车化设定,呢只鸥翼绝对吴可以睇少!其实欧洲车手对勒芒噶垄断系有原因既,事关勒芒已经举行左甘多届,年年都玩,有乜可能会吴熟!不过都有一次特别噶例子,就系1991年噶第59届勒芒,比日本仔罗左第一,当时有部装左转子引擎既马自达787B做左黑马。以往车迷对转子引擎噶担心都系觉得距易坏,又难整,不过经过24个钟头噶极限飞车,讲明转子引擎其实都可以好耐用噶,钱问题姐。

 
人类同机器噶极限----勒芒24小时耐力赛 - Ryan  - Ryans 粤语车评博客
 

一直对勒芒都不离不弃噶车厂仲有大名鼎鼎既法拉利,今年就派新马王458参赛,呢D车,本身已经系一部赛车,无论引擎,车架,甚至波箱,一出厂已经系赢人地成条街,后尾再经过法拉利细心调教,想吴快都几难。讲左甘多关于勒芒噶野,可能有D乱,但系呢个系我对勒芒噶理解,赛车运动系好令人兴奋既,兴奋就会乱左思维,不过我真系好想同大家分享下关于勒芒既野,因为有历史意义噶赛车运动系好少既,有代表性既就更加少,所以今次呢篇我觉得吴算系车评,你当系文化交流就算了。

 

 
 
  评论这张
 
阅读(382)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017