注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 
 
 

挑战自己-----关于卡丁车  

2011-11-10 15:38:11|  分类: 基本理论 |  标签: |举报 |字号 订阅

  下载LOFTER 我的照片书  |
挑战自己-----关于卡丁车 - Ryan  - Ryans 粤语车评博客
 
大家买车或者上网留意汽车资料噶时候,唔多唔少都会留意下宜家D车多左D乜嘢电子装备,多左D乜嘢高科技安全系统,依家市面上可以买到噶车,唔多唔少都会有ABS、EBD、ESP三合一刹车,甚至有VSC,TSC,BA等等稳定性辅助系统,甘样大家开车就可以好放心,万一跣胎,部车都好易救。但系如果无左呢D装备呢?你仲会唔会好似平时甘去到尽?依家好多噶车,可以话系电脑车,油门系电子油门,刹车都有电子辅助,转弯都有电动助力太盘,灯光雨刮都有自动,冷气音响就更加唔使讲,恒温冷气,甚至根据周围环境调教大细声噶音响,但系呢D舒适性设备,我唔系话距唔好,而系呢D野会直接削弱左人噶本能,人噶反应。所以今次我就为大家介绍一种对你可能系一种折磨既车-------卡丁车,睇下可唔可以激发到你心理面果仲野性。
 
挑战自己-----关于卡丁车 - Ryan  - Ryans 粤语车评博客
 
卡丁车,英文叫KARTING,你可以理解为小型赛车。卡丁车最初由欧洲人发明,有D人屋企大,花园仲大,于是就由剪草机改装成一部车仔,比自己D仔女系花园度玩。后来发展到一大棚人玩卡丁车,于是就有埋比赛。依家最出名既卡丁车比赛有两个,一个系欧洲卡丁车锦标赛,一个系日本世界锦标赛。卡丁车结构好简单,好似上面呢幅图甘,一个钢管车架,钢管车架包含防滚架,一副两冲程引擎,两个前辘负责转弯,两个后辘复责驱动,一个太盘,一张凳,左边踏板负责刹车,右边踏板就系油门。呢D车唔算快,一般唔超过100公里/小时,但系由于好贴地,所以速度感好强。另外,卡丁车都有特别加强版,换左大排量小小噶引擎就可以上到160公里/小时左右,开一般家庭车上160可能唔算好劲,但系开呢D小型赛车飞到160就唔系人甘品了。卡丁车唔止轻,而且好灵活,过弯噶横向加速度可以有3到4个G,玩呢D车,身体健康好紧要。另外为左将副细引擎谷到尽,所以最好喂距饮97号汽油。
 
挑战自己-----关于卡丁车 - Ryan  - Ryans 粤语车评博客
 
卡丁车要开得快,绝对唔系一件容易噶事!好多人唔系几欣赏呢项运动,其实甘系好肤浅!其实只要留意下赛车资讯就知道,巴西车神冼拿,德国车手舒密加,芬兰车手哈基宁都系玩卡丁车比赛开始出名。卡丁车依家系国内属于比较休闲噶运动,所以卡丁车一般都用100CC以下噶引擎,时速大概80公里/小时多D,系一D多弯小直路噶赛车场,其实已经好够噶喇,卡丁车 太盘系1:1设计,意思即系由最左转到最右都系一圈搞掂,同我地平时开噶车两圈半设计唔同,再加上方程式甘噶设计,开卡丁车就好似缩水版噶方程式,有技巧更加要够胆。
 
挑战自己-----关于卡丁车 - Ryan  - Ryans 粤语车评博客
大家都应该知道有个游戏叫做《跑跑卡丁车》,里面个大头公仔开住部俾距个头仲细噶卡丁车,又漂移又N20加速甘,呢个系游戏。而现实里面,玩卡丁车噶车手都会有漂移入弯噶动作,但系只系小小甩尾帮助入弯,而唔系好似打机甘,大角度又长时间漂移,甘系唔可能既。卡丁车车手好多时会根据弯角噶大细同阔窄,决定松油门入弯定系比油甩小小尾,判断好重要,毕竟赛车斗噶就系千分之一秒,如果唔系赛车计时器使乜设计到小数点后四位。
 
挑战自己-----关于卡丁车 - Ryan  - Ryans 粤语车评博客
 
赛车讲求速度,就连跟尾减少风阻噶技巧,系卡丁车一样可以用。卡丁车本身已经好扁,又无车壳,所以最大噶风阻就系由车手---即系你产生,一般噶男仔唔使减肥,但系如果赛车手就要keep下身形喇,如果你系一个瘦仔,甘岩跑系你前面果个系肥仔,其实你已经着数左。
 
挑战自己-----关于卡丁车 - Ryan  - Ryans 粤语车评博客
 
系卡丁车比赛里面,超车噶技巧都系好重要。首先因为卡丁车赛道噶阔度一般都系8米出头,大型赛车场就另计,而且虽然卡丁车细细部好似好易就位,但系唔好唔记得你噶速度好快,一部好快噶微型车系好容易失控既,如果唔系卖车噶人点解甘强调部车轴距有几长,车身有几阔?为噶除左系空间,最重要就系高速稳定性。玩卡丁车超车要稳好线位,唔好成日及住前面部车,应该望距噶前面,有把握就超车,无噶话就咬实距,等出弯再超,再唔得就再等下先,无论玩小型赛车又好,就算斗GT赛车都好,技巧重要,耐性更加重要。
 
 
挑战自己-----关于卡丁车 - Ryan  - Ryans 粤语车评博客
 
最后简单讲下小型赛车噶赛车场,图片呢个系室外,其实仲有D系室内,但系室内噶话,通风要求要好好先得,如果唔系飞几圈你就会局到入厂,所以都系重点讲下室外赛车场。室外噶赛车场一般都会系郊区,成条赛道大概1.5公里,阔8米多D,周围有草坪同旧车胎,就算开得快失控都唔会撞到好伤,另外有仲专业比赛噶卡丁车赛道,可以有成2.5公里甘长,而且直线路段无限制,纯粹高速为主。玩卡丁车虽然无玩房车甘型仔,但系对于培养耐性,锻炼下你D反应同身手都系几好既。听我讲完甘多,可能你会觉得好想去玩翻转。系度我又想讲系国内噶赛车运动,赛车系烧钱既运动就系人都知,而且我地身边噶赛车场少,收费又贵,同埋我觉得政府好似唔系几支持赛车运动,我知道呢两年有零四加速比赛,漂移比赛,泛珠三角,赛道英雄,CTCC呢D比赛,但系如果有睇开噶话,就应该留意到距完全就系一个商业运作,广告啦,赞助啦,甚至管理都唔系几好,似party多过似比赛。卡丁车系好专业噶比赛,全部车同一实力,斗噶就系车手噶实力,我真系好希望第日多D呢D比赛咯,就好似澳门噶房车锦标赛甘,清一色本田DC5噶较量,赢左自己,就即系赢左比赛。
 
 
 
 
 
 
  评论这张
 
阅读(585)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017